Бүткүл дүйнөлүк шайлоо күнү: "Оюн аркылуу шайлоо жөнүндө билим алуу""
02.02.2024
2024-жылдын 1-февралында Бүткүл дүйнөлүк шайлоо күнү Жарандык билим берүү борбору, билим берүү мекемелери менен биргеликте интерактивдүү иш-чараларды өткөрдү.
Жаштарды өнүктүрүү институту менен биргеликте №63 Ч.Т. Айтматов атындагы мектеп-гимназиясынын окуучулары жана №29 мектеп-гимназиясынын окуучулары үчүн интерактивдүү оюндар өткөрүлдү.
Төраганын орун басары Т.Шайназаров шайлоонун орду, мамлекеттин өнүгүүсүнө тийгизген таасири, жарандардын шайлоо укуктарына токтолуп, жаштардын шайлоого катышуусунун маанилүүлүгүнө токтолду. Ал балдарды келечектеги шайлоочулар катары өздөрүнүн жарандык позициясын активдүү көрсөтүүгө, келечекте өз тандоосун аң-сезимдүү жана жоопкерчилик менен жасоого, бийликке татыктуу талапкерлер келүүгө чакырды.
Жыйынтыгында балдар шайлоо, алардын укуктары жана милдеттери, шайлоо кандай өткөрүлөт, эмне үчүн зарыл экендиги тууралуу билимдерин кеңейтип, добуш берүү процесси боюнча практикалык түшүнүк алышты. Ошондой эле шайлоо процесстерин, адам жана жарандык укуктарды жакшыраак түшүнүү үчүн «Парламент» жана «Угадай право» интеллектуалдык оюндарына катышышты.
Активдүү катышуучулар баалуу сыйлыктар менен сыйланышты.
Шайлоо мыйзамдары жана процесси тууралуу билимдин дагы бир булагы QUIZ интеллектуалдык оюну болду.
Бул QUIZ викторинасы Борбордук Азиянын Эл аралык дебаттык билим берүү ассоциациясы (IDEA CA) менен биргеликте Бишкек гуманитардык университетинин студенттери үчүн жаштардын шайлоо укуктары тууралуу маалымат берүү аркылуу жарандык активдүүлүгүн жогорулатуу максатында өткөрүлдү.
Борбордук Азиядагы Эл аралык дебаттык билим берүү ассоциациясынын (IDEA CA) директору А.Русланова куттуктоо сөзү менен чыкты.
Борбордук шайлоо комиссиясынын төрайымы Н.Шайлдабекова жаш шайлоочуларга шайлоо реформасынын тарыхы, шайлоочулардын сөз эркиндигин камсыз кылуу жана шайлоонун жыйынтыгын так эсептөө үчүн мамлекет тарабынан кандай чаралар көрүлүп жатканына эмне себеп болгондугу тууралуу айтып берди. Ал буга чейин мамлекет шайлоо укуктарын эркин ишке ашыруу үчүн шарттарды түзүп бергенин, бирок шайлоонун жыйынтыгын жарандар өздөрү аныктай турганын түшүндүрдү. Ошондуктан алар өз тандоосун аң-сезимдүү жана жоопкерчиликтүү кылышы абдан маанилүү.
QUIZ викторинасына 8 команда катышты. «Шайлоочуларга даярдык», «Талапкер», «Пошазамим», «Бул ким? Бул Эмне?» «Акыркы мүмкүнчүлүк» аттуу бир нече турлар болду.
Оюндун катышуучулары шайлоо мыйзамдарын жана Кыргыз Республикасынын шайлоо процессин билүү, логика жана критикалык ой жүгүртүү боюнча ат салышты.
Оюндун жыйынтыгында төмөнкү үч команда жеңүүчү аталды:
1-орун – “Келечек”
2-орун – “Президенттик администрация”
3-орун – “Биримдик”
Жеңүүчүлөргө баалуу сыйлыктар тапшырылды.
Жарандык билим берүү борбору бул иш-чараларды өткөрүүдө көрсөткөн колдоосу үчүн ПРООНго, ЕККУнун Бишкектеги Программалык кеңсесине жана «Эгль» коомдук фондуна ыраазычылык билдирет.